Bald gehts heim!

Jo Grüss Gott. Wieso sogn wir des eigentlich? Najo wurscht.

Eiso jez sind jo nur mehr 23 tage über bis i wieder daheim bin. Wahnsinn. Des woa es schnellste Jahr desi je ghobt hob. Vor einiger Zeit woiti unbedingt ham, und woa imma in so einer Wie laaang denn nooch?? Wie a kleines Kind des auf ana langen autofahrt dauernd frogt wie lang ma denn noch fahren. I hob sowos jo nie gmocht..... NIE!
Mittlerweile is des nicht mehr so, I gfrei mi natürlich imma nu wie sau auf daheim, oba i werd mei familie und meine schulfreunde seehr vermissen. Einaml samma vom Eisholen heimgfoan. I David und Sean und do hobi fost zum weinen angfangt im auto. Achjo. Es wird schon sehr traurig. :( Aber dafür gfrei i mi scho sehr auf euch alle. :)


Eiso vorletztes Wochenende warma in Alexandria, bei Washington DC auf da Hochzeit vom Kevin seina Schwester, da Phyllis. Es woa fetzenheis und wir san in da sonne gsessn und ham gebrutzelt, während da pfarrer die zeremonie 2moi verhaut hod, indem er sochn vagessn hod und die musiker gsogt hod sie soin aufhean zum spieln. Keine ahnung wieso. Oba i glaub des woa eana recht wurscht.
Am samstag, vor da hochzeit woama in ihrm haus und do woa die ganze familie dort. Ma de san so viele. da kevin is ana von 10, und wir ham praktsich 20 cousinen/cousins, Wahnsinn 20 enkelkinder. Do homs die gmunderoma und opa mit mir und kilian scho übersichtlicher, nichtwohr. :D
von Zionsville bis Alexandria sans 10 stund autofoan, und i hob moi nochgschaut wie lang österreich ist, und zwar isses 575 km lang. Wir san an dem tag ca 1005 km gfoan, des hast fost doppelt so viel. Echt fett oda? :D


Des Wochendende woama in King's Island. Des woa soo klass. Do samma nur 2,5 stund hingfoan. Eiso ca wie von gmunden nach wien mim auto. und des woa nichts. eingstigen und glei wieder aussi woa des. im vergleich zu 10 stund kann mi so a lapallie nimma schocken. Findi sehr gut. Amoi Wien und zurück? Lächerlich! :)
Jo eiso in King's Island gibts:

Diamondback: (I hobs nachher nur mehr Death thing gnennt!)

I bin ned sicha ob des originalgetreu is. jedenfalls war des mei erste oage achterbahn und i bin leider gestorben, aber ich habs überlebt. Es woa DIE HÖLLE! Bisi moi checkt hob wos dop auf mi zukommt, woama fost oben und i hob nur gschrien no no NO NAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAAH...
Senkrecht nach unten is ganegn, volle kanne.
DIE! HÖLLE!


The Beast:

Des schaut jez ned so wild aus, oba es is aus holz und rüttelt voi. Mi hods dauernd voi gegen des trumm in da mitte ghaut und jez bini ganz blau. oba fetzengauden woas trotzdem. :)


Vortex:

Des hod wie am sieht einige Loopings ghobt, und woa a recht rasant, oba nachm Diamondback hod mi einfoch nix mehr so schrecken können. Wos ned heisst dass i ned wieder furchtboa gschrien hob. Ma i glaub des würd da mama gfoin, der hod jo es piratenschiff scho den letzten nerv graubt.  :D Mit dem samma übrigens a gfoan.



Sling Shot:

Des kennen sicha die meisten. Do wird ma in so a kugel einigsetzt,  angschnallt und dann schiassns di auffi. I hob die ganze Zeit grinst wie a Honigkuchenpferd. Hod ma auf da DVD gseng und natürlich wieder voi gschrian. Da Sean hod ganz ernst gschaut weil er nämlich höhenangst hod.

Congo Falls:

Zwischendurch samma zum abkühlen mit dem gfoan, do wird ma dezent waschelnass, und wer sie ned numoi anstellen will, der stellt sie auf die brücke und wird nu viel nässer. Oba des woa sehr angenehm weils nämlich um die 33 grad ghobt hod. Celsius.

 Jo des woa King's Island. Ajo in am Dings, wie nennt am des? Attraktion? Gerät? jo do homma ca a hoibe stund gwoat, ud dann samma ca 45 sekunden mit dme ding gfoan, und do homs inception musik gspielt, und des hod ma so daugt dass i ma des glei kauft hob(die CD, nd den gerät). In ganzen soundtrack. Musik kann am durchaus angst machen!
Nachm Park woama eh voi fertig, und unsare fiass woan voi aufgeweicht weils ned trocknet san und dann woama bei Olive Garden.Dort hobi nüdln mit meeresfrüchte gessn, und die reiben am imma in parmesan frisch drüba und i woa scho so miad, dass i ned mitgriagt hob dass i stop sagen muss. Die hod do a hoibs kilo kas draufgrieben, bis gsogt hom elena du muast stop sogn, asoooo und dann hobi stop gsogt. voi viel käse drauf, oba guad woas. :D

Beim heimfoan hobi mein iPod auf Shuffle ghobt und dann hods Sims 2 Musik gspilet und i hob dann ca a hoibe stund zu "Sim Builder" "Sims Neighborhood Theme" und so gejamt. Mit unsichtbarem schlagzeug inklusive triangel. und a weng klavier und geige. :D

Mit meim Softballteam hods nu a Abschiedsfestessen gebn. Dort hobi olle numoi gseng und mi wenigstens halbwegs verabschieden kina, UND i hoba sogar an Award griagt für "Most Improved" I hob mi natürlich an Haxn ausgfreut und die Michele woa glaubi a recht stolz auf mi, weil sie hat dann gsagt, dass bei mir am meisten gjubelt und klatscht ham. ;)


Morgen is da letzte Schultag. :(
Seit Donnerstag hamma Finals. In Chor hobi 86%, In Geschichte 80%, Electronic Music 95%. Des is schon sehr cool, weil in EM hobi bis vorm final nu 75% ghobt eiso a C. Wir ham wos komponieren miassn, und dazu wos schreiben. Monche hom do 4-5 seiten oda mehr gschriem. I hob 1 seite gschriem und hob 100% :) i man wos soit i do gross schreibn, i hob jo gwusst es is nur 30 punkte wert. Für mei komposition hobi a 100% griagt.

Do hobis einfoch schnell herkopiert:

A boa feschige Fotos nu asu den letzten Schultagen:

verbrannter Film mit Photoshop bearbeitet

verbrannter Film Original

Hippiemonsterschlange

Blüms

David beim Rasenmähen

Blüms

It's Lemon Time

Joo, heute hobi nu english final morgen kane mehr weil i do scho fertig bin do homma dann 2 moi 2 stund nur chill-zeit. damma hoid jausnen. Ma i gfrei mi scho auf a gscheide jausn amoi.

Was da noch gibt zu sagen is dassi doch ned 2 stunde gjausnet hob, sondern zfuas hamgonag bin 1,5 stund. in da hitze. oba wemma dabei vom Mike Supancic zugedüdelt wird mit Tierschützer-Liedern is des a erträglich. :) Fost varennt hätti mi a.

Des woas bis bollt! :D

52 days left...

Meine lieben Freunde! Nach langem schreib i jez wieder mal was, weil mich hats einfoch nie gfreut. I bin grad auch a bissi unschlüssig welcher Sprache/dialekt i mi zuwenden soll. Meine Güte jeds mal wenni aufd Wand vor mir schau is do a ameise. Furchtboa, nur weils so ziemlich die ältesten und anpassungsfähigsten Lebewesen ever san, miassns ned unbedingt im haus herumkreun. Gelegentlich krabbelns nämlich a auf mir herum, do hobi dann a besondere Freud. Pff

Eiso nach 1 monat sendepause sollts jo einiges zum erzählen geben. Heute woas besonders schön und worm nämlich achtung..wait for it.. 29° C. BÄM! I glaub es Global Warming is in Führung, weil des is sogoa für Indiana untypisch, i man wir hom imma nu April.


Es is grad 11 am Sonntag oba i kann Sonntags eh nie schlafen do bleib i liaba nu auf und bin produktiv. :)


Jo wie im letzten blog scho steht bini Softballteam Manager. Des is a guad so weil die andan spielen scho seit 5-10 joa, und wir san JV, des hast Junior Varsity und is schlechter ois Varsitiy. Des hast wir ham zwar unsa eigenes JV feld oba des is ned so schön wies Varsity, weil wir praktisch imma nur "Übungsspiele" ham unso. Wo i mi oba a weng diskriminiert fühl. Unsa Feld is kleiner und die "Duckouts" (=Unterstand) san kaum winddicht und ham winzig-schmale Bänke. Najo oba mei Team is trotz all der Ungerechtigkeit sehr guad findi. Wir ham bis jez 3 spiele ghabt und olle gwuna, 2 davon sogoa nach 5. von 7 innings weil ma scho über 10 punkte in führung woan.


Vor einem monat ungeföhr san die drei Donau Piraten losgfoan und hams bis über Wien hinaus gschafft. Des findi eh scho voi cool. i finds zwar schade dass nimma weita geht, oba i bin ganz stolz auf olle drei. Weil ma muss sies mal traun (Wortwitz Traun-Fluss ha ha ha) und überhaupt und total und des passt schon, vl solls (noch) nicht sein. Jez machns mal erst ihre eigenen sachn und es Leben geht weiter. Da Papa foat eh glei weiter noch Pula (do wor ich schonn).  und da michi spaziert a bissi.
I hob übringes imma nu kan Rundschau bericht gseng.


In softball san imma olle so unterstützend und nett, selbst wenn i voi daneben hau. Obwoi i jo scho bessa wordn bin. Sie homma moi a bissi zagt wie ma gscheida in schläger hoit undso.
Amoi homma frühstück ghobt und i hob vagessn wo ma hinmiassn. Zum glück gibts jo Facebook. Hobi im chat 2 leit gforgt und zuagmocht... Fois a boa feinspitze und FB-süchtler aufgfoin is, der chat wird NICHT gspeichert. I hob ma nix aufgschriem und hob mas a ned gmerkt. donn bini am nächsten tog do gstondn a hoibe stund vorher und k.a wo i hinmuss. oba i hob dann zum glück nu wen erreicht, und hob hingfundn, und wenn sie nicht gestorben sind leben sie noch heute.


i hob a moi so a 30 day song challenge angfangt. Oba mi gfreits nimma. I bin einfoch zu faul. I hob bis tag 17 oda so gepostet und dann aufghört, weil die bestesten lieder passen auf kane challenge-fragen und wenn i a liad mog dann post is einfoch so. zum Beispiel From a Distance. Wos jo REINZUFÄLLIG in am video für mich vorkumt. ;)

Es is einfoch so lustig. die mama: Hallo christkind.. und dann zum Franz: sog wos! :D oba i hätts vermutlich genau so gmocht. Weil schätzomativ 80% von meim Humor kuman jo von da Mama. :)
Die Gitti parodiert in Nils. Jingle Bells Jingle Bells hmnobinmf do kend fofkdfnl f f jfnjnfhofn HEY...


Mir foit grod ein, beim 2. Softballspiel hobi jo DIE MACHT griagt. mehr ois nur einfoch a Fernbediehnung. (I muss ehrlich sogn i was nimma genau wie ma des schreibt) Die Macht über die Spielstand-Anzeigetafel. Leider funktionert des mim manipulieren ned so weil des eigentlich relativ wurscht is wos i do einstell, es gilt nämlich wos die Punkte-zähler oda wie die haßn aufschreim.

I bin übrigens moi von am Ball troffn wordn. am knöchel. hod wehtan. is blau wordn und dann is es blau nach unten abgsunken wos nix hobn soit. Woa komisch oba najo, jez hobi a oat kante am fuß und a taube stelle.
Die Woche bini numoi troffen wordn aufn oberschenkel, des i hübsch blaulilagelb wordn. hod oba ned so wehtan. I bin einfoch a beliebtes ballopfer, ich erinner mi an diverse klassenfussballunfälle, wo zum beispiel moi mei brille hinwordn is. oda ball in bauch, ball auf fuss, Baseball auf Kopf. jojo, und do frogt mi nu wer wieso i mi vor Bälle fiacht.

 Ein Monat später...

uppsi. I bin einfoch zu faul für ois. nach softball kumi um ca 7 ham und do gfreits mi nullo wos mochn.Jez hobi fost 2 monat nix gschriem. Do wirds oba schonn mol zeit niochtwohr. :)

Eiso i woa moi in Washington DC in Spring Break. Des woa so ende märz. Do homma nudeln gessn und chinesisch und wir hom uns di ganzn tollen sachen angschaut. es Capitol, und a feschiges Grünhaus, Es weisse haus nicht, do samma irgendwie end vorbeiuma, dann nu die riesige säule und natürlich es Lincoln Memorial. Des woa scho irgendwie denkwürdig. A toller Moment. JO und die hom echt  a schönes Haus. Im keller is ka fernseher sondern a beamer weil so grosse fernseher gibts ned.


Ostern woa ganz nett, da David und die Kalin und da Sean woan do und jeda hod a nesterl griagt.

eiso i was eigentlich ned wosi sonst nu gmocht hob. Mei geburtstog woa am montag. Do homs in softball gsungen für mi und brownies und cupcakes hod wer gmocht für mi. des woa sehr schön. :) und um 5 woa i scho daheim und woa allein, ka mensch do. hobi hoid computert. Dann sans endlich kuma und Es hod schweinsmedallions gebn mit gorgonzola sauce und erdöpfi. Des hobi ma gwünscht, weil des is mein lieblingsessen nummer 2.es andare is Linsen mit erdöpfi. Und i woit am sonntag eigentlich zwetschkenknödel mochn oba ohne knödelteig und ohne zwetschken is des ned so einfoch hobi hoid erdbeeren gnuma, daham hobi dann gmerkt dass ma an topfen a braucht fürn teig. Hobi hoid an apfelstrudel gmocht. eiso eigentlich 3, oba der filoteig is gscheid doof. wie papier.


Dienstag mittwoch und Freitag hamma spiele ghabt. und mir is do imma so koid, deswegen hobi am mittwoch 4 schichten anghabt, und donn hod eh die sonne gscheint. Am Freitag hobi a wieda 2 jacken mitghabt oba es woa eh woam, eiso woas ned so dringend nötig. Und gewonnen hamma auch wieder mal. Supii :D Bisher hamma bis auf 1 spiel alle gewonnen!


Von da Li hobi so a kleines Österreichisch-Deutsch wörterbuch griagt, des is so wiezich! Obwoi a einige wörter drin san die i goa ned kenn. Vorarlbergerisch und so, Hie ein paar fesche beispiele:

• Hundstrümmerl - festes Stoffwechselendprodukt vom Hund
• Bamperletsch - Kind (abfällig daher eher den Nachwuchs anderer betreffen)
• Ahnlvertilgung - gewaltsame Beseitigung von nicht ablebenswilligen älteren Verwandten
• dann gibts mehrnerne Wörter für betrunken, nämlich: an Affn, oder an Dusel haben, anblasn, andipplt, andudlt, angflaschelt, angstraat, antschechert, eingspritzt, fett und vollfett sein. sovü hob i bis zum buchstabe F gfundn :D
• und für ohrfeige gibts a einige: abgoschen, ane auflegen, wem ane duschen, und wem a Dachtel, a Detschen, oda a Flaschn geben. 

Des woa moi eine kleine Kostprobe von der schönen Österreichischen Sprache! :D



Heute Samstag woa AFS Pre-Return Orientation. und des woa a bissi deprimierend, weil I fliag zwar am 28. Juni heim um 22:00. oba mei familie liefert mi scho am 26. (Sonntag) bei am AFS Volunteer ab wo alle andern aus Mid-Indiana auch bleiben und do hamma danna Essen, und um spätestens 20:00 Uhr müssen die Gastfamilien dann fahren, ma des wird traurig. :(
Bei da Orientation homs gsogt des is bessa so, weil sonst is ma so alleine wemma einfoch am Flughafen baba sogt und dirket in Flieger steigt. i was ned so recht, mir kumt des vor wie beim Pflaster abreissen, Am Flughafen is kurz und Schockmäßig und i stell ma des komisch vor wenn i nu 2 tog in USA bin ohne mei Familie. Achjo. :(
am Montag werma dann gfüttert und am Nachmittag foama nach irgendwohin des hobi vergessen. Irgendwo nach Norden, hoid. Dort samma dann alle aus Indiana beinand und am 28. stehn ma um 3 in da früh auf und gurken noch Chicago, do können ma im Bus nu a bissi schlaferln. Dort werma dannauf am Campus obgliefert und treffen die andern NEUNHUNDERT austauschschüler von Mid-East. Die kuman dann von ganz unten Texas bis ganz oben...unter Kanada hoid. Und dann werma Ländereweise sortiert, und nach der reihe foan die Länderbusse zum flughafen. Do wird natürlich wieder furchtboa geweint und so. Weil ma was ned ob ma die Leit je wieder siagt. Und da wir österreicher um 22:00 Uhr erst heimfliegen werden wir schon ziemlich viel Weinerei hinter uns haben und wemma heimkommen am Flughafen dann, werma total emotionslos dostehn und sogn: Jo hallo Mama Papa, grüßeuch. Wie gehts? Gehts euch eh gut? Wie warsn so bei euch. Was maach ma jetzt? Gehma auf ein Kaffetscherl oder ein Bier?Habts an Hunger? Gehma in Prater? Jo WOS SCHAUTSN SO BLÖD? und die Barbara und der Mischa werden dastehn und nur schaun. Sprachlos. Vor Freude? und dann gehma auf ein Kaffetscherl, obwoi i mog kan Kaffee. Dann gehma auf ein Kakaotscherl.

Genau so wirds werden! ;)


Jo Wenn i ma des so durchles kommt ma desirgendwie total unabhängig von dem ganzen andern Amerika cor. Ois hätts überhaupt nichts zum tun mit USa udn so. ois wärs a ganz andere erfahrung, andere zeit anderer ort. Mei ich bin shcon mude. Und schnupfen hobi a. Und dabei mussi jo singen am Dienstag. ein Solo sogar. I man es is nur 12 wörter lang, oba do wärs jo umso peinlicher wenn is verhau. :) oba i bin eigentlich goa ned nervös.

ds singen wir und tanzen:

An 2. Koffer müssma auch kaufen. Weil i derf 2 gepäckstücke mit je 50 pfund (= 22,6 kg) mitnehmen. do nimm i an den ma gscheit rollen kann, weil da opa-koffer is zwar super, karma- und erfahrungsmäßig oba er is nicht sehr praktisch. Und meine schultern werdn sicha a höchst belastet sein weil i jo Umhängetasche und laptoptasche und rucksack a nu hob. oba den laptop kann i dann aufn Koffer schnallen. und vl schaff is ja dass í ned allzuviel ins handgepäck pack. i muss jo ned UNBEDINGT im flugzeug malen. und i Muss jo ned UNBEDINGT 5 DVDs mitnehmen, weil vielleicht hobi jo diesmal a cooles flugzeug mit eigenem fernseher. und an Fensterplatz mogi a. Weil i bin eh ned so dass i imma mit die andan Leit zamsitzen wü damit i kommunizier. i mog ds ned so, i schau lieber ausm Fenster und hör musik. Aussadem kenni die jo nu vom hinflug und do woan ma die meisten eh ziemlich unsympatisch.


So jez wasi nix mehr zum schreiben. Zum schluss nu a boa fotos:

A fesches Baumi

Uma-Lumpa Kakaobaumi

Schöne Blumi

Noch ein schönes Baumi

Mei Softball-Team

ogei, jez habi fertig, buba :) madchen mude

Fraaiiideeii

Wos los? jo es is schlimm. Noch a erdbeben, diesmal in Japan. Für mi is des anders als 2004 weil i des do nu ned so verstanden hab. Jetzt verfolg i des so mit und jo, bin besorgt und.. a wahnsinn. I ois leicht paranoide Hobby-Verschwörungstheoretikerin schau ma natürlich videos an von der Welle und des mim Atomkraftwerk is natürlich a schlimm.Was mi oba wirklich aufregt san die unmengen an christen fanatiker die auf youtube und wo a immer sowos sogn wie: "God punished Japan for WW2, atheism, etc." des is a wahnsinn. I hob nix gegen religiöse menschen. i verstehs nur ned wirklich. wegen sowos glaub i ned an gott, und wennsn gibt dann hat ned amoi er es recht dass er so viele menschen umbringt. Wenn i ma a bauernhof kauf mit 100 tiere dann hast des ned dass is einfoch so obmurksen derf wemma grod fad is. und überhaupt wer sogt eigentlich dass dass da gott a ER is, wieso kanns ka SIE sein. So und jez aus.
Dazu hobi a glei a video von ana Person, dessen Name nicht genannt werden soll.
 

BLOG BEWERTEN!

Jetzt red ma über was fröhlicheres. was gibt es neues? der frühling kommt, donnerstag 21° C. des is wärmer als bei uns im haus. aber nix gegen damals in attnang wie da papa imma so gern in holzofen eingheizt hod und dann hamma im wohnzimmer immer a konstante temperatur von angenehme 26° ghobt. des wor schön und worm.


I bin jetzt Softballteam manager. BÄM! 6 tage in der woche 2 stunden beinhartes training. Natürlich gibts wieder probleme mit meim namen, weil jeder äläiina sogt. Deswegen gibts diskussionen um an neuen spitznamen für mi. do hättma: Elli, Koala bear (austrIA ned austrALIA!!!), Vontrapp & Liesl (Sound of Music), Dalai Lama (?????). Votings werden bis 18. März angenommen.

BLOG BEWERTEN!

Ein neues Beispiel wie man auf Youtube mit ohne Talent berühmt wird. (Wir erinnern uns an Money Boy der uns mit seinem Swaaaag alle von den socken gehaut hat.) Wobei i sagen muss dass da Justin Bieber schon talentiert is oba a RIESENglück ghabt hat und es gibt einige die noch talentierter sind und nicht so a glück ham.

Stimmfarbe: höchst nervig

Dance Moves: nicht existent bis peinlich

Individualität: FAIL!

Text: Sinnlos

Partyin’, partyin’ (Yeah)
Partyin’, partyin’ (Yeah)
Fun, fun, fun, fun

 -----

Yesterday was Thursday, Thursday
Today i-is Friday, Friday (Partyin’)
We-we-we so excited
We so excited

----

Tomorrow is Saturday
And Sunday comes after...wards

BLOG BEWERTEN!

Und nun zu den Nachrichten:

Gestern sind Captain Blue, Green, Yellow und Paula Schiffshund mit Kapitänsstatus in(Traun-) See gestochen und machen sich jez gmiatlich auf zur Donau. Wir wünschen ihnen viel glück und erfolg und dass ned allzu nass werden, sonst griangs jo an schnupfen.

http://www.donau-piraten.at/

Jez nu 3 fesche Fotos von mir die ma in Photo II gmocht ham.

 BLOG BEWERTEN!

 BLOG BEWERTEN!

BLOG BEWERTEN!

Jo mehr foit ma momentan ned ein. Des san moi die wichtigsten Fakten Fakten Fakten zamgfasst, ois wos dazwischen liegt, is entweder wurscht oda foit ma grod ned ein. 

BUBA

BLOG BEWERTEN!

Pauli Maulwurf RULES!

 ö  ä  ü

Heute is freitag und i hob a neiche blog-technik-idee. I schreib jeden tog wos passiert und speicherts und nach a boa tag kani dann ois veröffentlichen. Ma i bin so genial!

Heute is freitag des merkt ma alla scho daran dass auf Facebook olle vom saufen reden. Englisch is voi doof. des gfreit mi goa ned nullo. In Electronic Music spinnt es programm deswegen klingen ob jez einfach alle instrumente wie a geige. Super!

Weil i da fiona mein iPod borgt hob und somit a in Study Hall ohne akustische Beschallung woa, wos mi vollends aus da bahn gworfn hod, weil i alle 10 minuten iwos doa woit mim iPod z.b. aufd uhr schaun, musik hean, internet schaun, doodle jump spün, jo deswegen hob in meim neuen collegeblock a liste angfangt in der i olle menschen aufgschrieben hob die i kenn. Bis jez hobi 217. Des is oba ned so leicht zum sogn wen ma "kennt".oba i gib ned auf!

I hob nu an flauschball in Photography gmocht. jez mochi nix mehr.

Heute Samstag  scheint die Sonne, und i räum mei zimmer auf. des woa nämlich a scho dringend nötig. es gwand is jez im kastl da bodn is frei und sauggestaubt. Do foit mir auch sofort auf dass des eigentlich goa ned so kla is. die schranktür hobi a "repariert", einfoch a boa moi drauftretn dann passt des scho und immerin gehts jez bessa ois vorher. beim rollo funktioniert des ned so leida, weil zrissene schnürdln kamm ned wieder zamtretetn. Die Staubbelastung is jez a nicht unbeachtlich verringert.

wos i nu gmocht hob is schöne kleine sachen, fotos und pickerl in ein buchi reinbicken, damits schön ausschaut. I was jo warum i kino-, football- und theaterkarten aufheb. Die hobi do jez fesch einibickt.

Heute hobi endlich es medizinische ohrringerl aussadoa deafn und hob da mama iare einidoa. do is ma glei da verschluss obigfoin und i bin 5 minuten am bodn glegn und hobs ned gfundn dann hobi von oben durchn schreibtisch obigschaut und gseng dasser ganz blöd auf am buach glandt is wos ma von unten fost ned siagt. jez is wieda do und ois is in ordnung.

Meine glühbirnen hobi a gwechselt weil nämlich 3 von 4 nimma gangen san und i überhaupt nix gseng hob. ane is glei entgegengebröselt 2 samma in da fassung stecken bliem, do hobi dann deppad herumgwerkelt bis endlich passt hod. Jez hobi tageslicht im zimmer. hell wie nie. jez brauchi mi a nimma schämen wos do so "ans Licht" kumt. (ha ha ha wortwitz)

Fein Sonntag hobi wenigstens an plan ghobt, nämlich hod mi da die Amy Montgomery obghoid, di is von AFS und duat gastfamilien finden. Die woa in österreich ois austauschschülerin und hod a scho moi a Wienerin do ghobt und redt a deutsch. Jo und in da Bibliothek woa so a international dings und i bin do so gwesen bei ihrm AFS stand und hob mei EIGENES schild ghobt wo elena girll draufsteht und i hob es kochbuch, mei salzkammergutbuch, prospekte und die panorama-weihnachtskarte von da oma mitghobt. Die karte hod die kinder besonders gfoin die woan ganz entzückt.

Do samma hoid 2 stund gsessn, hom moi herumgschaut, informiert undso. Dann samma zu ihr gfoan und hom GEJAUSNET!!! die hod drei kinder. Zwillinge: Charlie und Maggie, 9 und in Joseph, 7.

Die san olle total gscheid und spün klavier. Und die san wirklich guad. denen hobi beim klavierspün zuagschaut dann homma barbie gspüt. und es haus homs ma zagt und jo des heat si jez iwie total wenig an oba wir hom jo ois über längeren zeitraum gmocht. Valentinstagsschachteln homs a gmocht, genau.

Dann bini hamgfiat word und jez moch i nix mehr.

Am Dienstag is ma ned guad gangen, do hobi mi nochm Lunch hinglegt und dann bini hamgfoan. dort hobi dann gschlofn. Und zwar ziemlich bis um 8 in da frua. Am mittwoch woas wieda bessa do hobi gfernset und bananenjoghurt gessn, bei wos ondas hätt i vermutlich gespeibst. Am abend is dann die CAITLYN mim andi kuma und die woan dann so do und so. *frohi* Do homma top gear gschaut des woa so lustig, weil top gear is einfoch supa!

Um 10 bini schlofn gangen eingschlofn bini wieda total bald, nämlich um hoib 12. I kann überhaupt nimma schlafen. :(

Am Donnerstag woa wieda alles gut. do bini wieda ind schui gangen, hob eh nix wichtiges verpasst. Nur in english interessierts mi goa ned, des deppade trum soi 4-5 seiten lang sein. des wird wieder moi a fetzngaude!

Daheim woan nu die Caitlyn, da david und da andy do, oba die san dann boid gfoan weils in sean von bloomington obghoit ham. des hast heit weni ham kum san ALLLLLLLLLE da! full house. und die sonne  scheint a voi schön.

Heit (Freitog) homma aussadem Feueralarmprobe ghobt, wieda moi. do san a boa leida verbrennt weils die sonne und es licht ned gwohnt san (ned wengam feuer, woa jo goa kans). Mir hods 15% sehfähigkeit wegbrennt. ois war i nu ned kurzsichtig gnuag.

Des kumt hoid davon wemma in ganzn tag in an betonklotz eingsperrt is, und ausserdem (wos jo voi dumm is):  Olle Lehrer miassn die Rollos herunten hom zum Energie sparen. Des hast es is ned nur schweinskalt im Winter, weils die Heizung auf höchstens 18° aufdrahn und finster is a imma. Wie gibts des dass wir unzivilisierten Bergbauern in österreich des schaffen dass ma wärmeschutzfenster mochn und die Amis ned. moi nachdenken, gell. :D

So weit so gut, in Chor hod uns die Mrs. Broge die höchste note vorgsungen dies kann, a hohes e. 3 oktaven und 3 töne kanns singen. I schaff 2 oktaven und 2 töne oda so. wobei i ned ganz sicha ob ma manche ois quietschen oder singen kategorisieren soi.

Zwischen Freitag dem 18. und heute hobi nix gschriem weil ma des zviel oabeit is wenns nur 5 leit lesn. 

Am Samstag woama voi einkaufn, in da Mall. Und zwar bei Forever21 und Macy's und sowos hoid. und mir foit grod auf dass ma überhaupt ned noch schuhe gschaut hom. Wahnsinn. ajo und nachher woama nu bei Old Navy, do hobi am meistn kauft. Daham homs Roast Beef gmocht und weil ma zspät woan homs ois aufgessn. Für 7 leit hams kocht und zu viert homs ois allane aufgfressn. Solche schweine. :)

Am Montag woa President's Day = frei. I was nimma wos ma gmocht hom, nur dass frei woa.

Am Dienstag woa wieda schule und i hob glaubt dass es Persuasive Paper scho due is, woas oba ned, sondan bis freitag. Zum  glück! Aussadem lesma in Englisch Huckleberry Finn. Eiso die andern, i ned. weil i scho gnuag stress hob mit meim persuasive paper und sowieso generell schul-lektüre boykottiere. (schreibt ma des so?)

Am mittwoch woa auch schule, und i hob an überraschungstest über MLA zeigs mochn miassn, weili jo letzte wochn ned do woa am mittwoch. True or False. I woa so guad vorbereitet dass i jede frage geraten hob. Des muas ma ollerdings dzu sogn dass die andan des  MLA scho seit da 3. klass lernen. Und wir des goa ned hom. Wir werden sehn wie guad i im raten bin. Im schätzen bini jedenfois sauschlecht.

Am Donnerstag woa die Fiona ned do. Des woa natürlich tragisch. 

Mein study guide in geschichte hobi fertig gmocht fürs quiz am freitag. \

Am abend hods zum schneien angfangt. Des hod mi nicht gefreut, weil wenns im februar moi a bissi frühlingshaft is, dann hobi scho gnuag vom winter und wü unbedingt frühling ham. Aussadem hobi mei persuasive paper weida gschriem. Oba fertig bini ned wordn, des woama dann oba wurscht, i hob mi einfoch mental drauf vorbereitet dass i im Mr. Kartholl sog dass i mehr zeit brauch weil des so schwer is.

Am Freitag um 6 hod die schui angruafn: 2 hour delay. I hob ma in wecker auf hoib 9 gstellt und hob weita gemützt. Um 8 bini dann aufgwocht und bin aufbliebn. 5 minuten später hod die schui wieda angruafn: Snow Day! Des woa total klass, weil des erstens wie verlängertes wochenende is, und des aussadem hast dass es PP erst am Montag due is. Zufall gibts ned ois gheat so wies is! Wieder moi bewiesen.

Am Sonntag hobi ma die Oscars angschaut, und da David hod die Peer edits fürs PP gmocht. Dann hobi ENDLICH ois ghobt. Do woa i so froh dass i dazu auf Facebook "Freude schöner Götterfunken" gepostet hob. Weil i oba ka version gfunden die ma imposant gnuag woa, hobi die Muppet-Version gepostet.

und ois besonderes schmankerl hobi dazua gschriebn: "Bitte aufn Text achten!" hahahahaha lololololol *rofl*

Aussadem bini dann nu bis hoib 4 herumglegn und hob ned schlofn kina.Hoffentlich is des heid ned wieda so. Najo, warme milch mit honig trinken und abwarten. Interessanterweise bini oba goa ned müde. Vielleicht soit i moi probieren ohne schlaf zu leben. Nur hobi ma nie wos zum doa. I kinnt ausprobieren: 1 nocht aufbeleiben dann a nocht schlafen, immer abwechselnd hoid.

Jez is Montag. heute hod da Opa Geburtstag. 

ALLES GUTE ZUM GEBURTSTAG OPA!!!

eine leckerschmecker interaktive Esterhasi Torte (jo i was des schreibt ma ned so)

DINGENS:

• Zum titel, mir is fad grod und deswegen schau i ma in digital design pauli maulwurf videos an. 
• i verlier deutsche wörter. auf englisch kenn is ned und auf deitsch was is nimma, des is a problem.
• i hob am samstag milchreis gmocht hamham
• i mog in van gogh seine bilder
• der grund warum oben drie drei umlaute stehn, is weil i in da schule schreib und i dann einfoch nur auffimuss und kopieren und einfügen. So einfoch is des. und des lass i jez einfoch so zur dekoration moi stehn.
• noch was von die Muppets. Das Tier rules too! MAMAAAAAA
• ajo und fois des ned allgemein verstanden worden is. Jeder MUSS bewerten, sonst wird er von die weinenden Engel heimgesucht und zerfleischt. 

Danke für ihre aufmerksamkeit, oder auch nicht. :) buba

Zwetschke

I bin sicher es san olle scho gespannt wie deppad ob ma jez olle gstorben san oda ned. Ganz ungeachtet dessen dass is auf Facebook steh hob...

Eiso am Dienstag woa Schneetag. Voi supaklass. Jo hobi wieda total unproduktiv verbracht. I hob ma Knickerbockerbande-Bücher ausdruckt und zambickt, eiso nur 1 eigentlich, die andan lesi am computer, des war sonst papierverschwendung. Irgendwas muasi jo lesn i kann ned fast 10 monat nix lesn. und wos andas griagt ma im internet ned.

Jo aussadem hods mi um 23:50 pockt und i woit unbedingt Wii spün. des hobi dann a gmocht bis um 1.
Seither spü i jedn tog wii. ned imma um die zeit natürlich.

Ok, i  hob eben die Schneetage drinnen verbracht, wii gspielt. Draussen woas schweisnkoid und es hod aufn schnee draufgregnet, oba ka wasser sondern eiso irgendwie so. und des hod dazu gfiat dass ois in a glänzende Eisschicht verpackt woa. an schritt aussi gmocht bist scho glegn und die nächste hoibe stund nimma aufkuma. allerdings sprich i do ned von eigener erfahrung.


Am Freitag woa wieda schui, oba mit 2-hour-delay. des hast rein rechnerisch hobi eigentlich genau so vü semsterferien ghobt wie ihr (schulkinder) daham. weil 2 tog  frei nachm ende von die 2. 9 wochen. und dann die drei schneetog und semsterferien san jo nix anderes ois 5 freie tog zwischen 2 wochnenden. Eiso bitte, do hommas. Gerechtigkeit hod wieda gwuna olle san glücklich, gehma ham. Nicht! do hobi mi a bissi gfiacht weil a geschichte test geplant woa und i es kapitel ned fertig glesn hob, oba i man... kum, ganz ehrlich! WER mocht bitte daham Hausübung? Na eben!

Die Angst war unbegründet, weil es is auf mittwoch oder donnerstag verschoben worden. Frohi! :)
Den tog homma a nu hinter sich gebracht (bin ned ganz siher ob ma des so sogn kann).

Ajo und es AFS-Camp is obgsogt wordn weils eingeeist woa und wahrscheinlich wirds ned nachgeholt. :( deswegen hobi ma später ausgmocht mit da Carly frühstücken am samstag. FROHI!


Am Samstag bini aufgstandn, und..... lauter flockigflauschiger flauschischnee. soo schöööööööön. Do hobi mi freut, dann hobi mi ready gmocht zum frühstücken, oba leider hod woa die Carly eingschneit, i hob gsogt dass i jo zu ia kuma könnt, und di carly hod si recht sorgen gmocht dass ma im schnee stecken bleiben und an schrecklichen tod sterben, oba die Michele hod gsogt sie kann bei jedem Wetter überall hinfahrn. und dann hods mi hingfiat.
Es woa ois zugschneit, und wir san voi so durch die gegend geslidet. Bei ana kreuzung samma 10 minuten gstandn weil die leit olle mit 25 sachen vorbeigebraust san und uns kana aussilossn hod, lauter egoisten des. Oba irgendwann samma endich aussikuma, wozu mein kommentar, dass es tomtom sogt wir miassn jo eh grod foan, nicht unwesentlich beigetragen hat. Des is so umständlich gschrieben dass is selber nimma ganz check, oba dann hobts wenigstens a bissi a beschäftigung, gell. ;)

Schlussendlich hommas dann gschofft und a gseng warums nirgends hinfoan kina hom. komplett zua miot schnee. I hob dann mit da Carly Just Dance auf da Wii gspüt, des woa vielleicht anstrengend, he. Dann hamma nu Disney Singstar gspüt. Do hobi nix kennt aussa high school musical. [gottseidank]
Dann hobi a klane klaviersession einglegt und wir hom uns an solot ois lunch gmocht. Zum schluss hod ma die Carly nu a maniküre verpasst. Allerdings homs nur rosa, rot und pastelllila ghobt, deswegens an meine Nägel jez knallpink. des woa a lange prozedur. erst schneiden, obschleifen, polieren (ma du soo schön glänzi) dann in handcreme panieren, hände in a plastiksackerl und in handwärmer eini. und dann da nagellack natürlich. Um den gehst jo.
Nach dem ganzen hod mi die michele wieder obghoit weil da Carly ia mama nach 10 tog geschäftsreise wieda hamkuma is und die carly nu auframa woit. es war a relativ kurzer besuch oba immerhin. aussadem bini nimma mit ia in ana klass und i woits wieda moi seng.


Am Sonntag woama bei am Boy Scouts Meeting, do hobi mi wieda absolut unproduktiv nichtbeteiligt. Woa eh umsonst für mi, weils um a wandertourdings ganga is nächste wochn und do kumt oba die Caitlyn!!!! juhu aus Kalifornien. Und wenni zum ersten moi mei gastschwester siag dann hau i mi sicha ned mit lauter buam in die kälte aussi. I spinn jo ned. (ned lebensbedrohlich jedenfois)

Am abend dann woa SUPERBOWL! des is es wichtigste footballspiel. i kenn mi do eigentlich ned wirklich aus. ok absolut goa ned. I hob ma nur die werbungen angschaut, die san besnoders guad weil 30 sekunden werbung 3 mio$ kostn, weils so vü leit schaun. do san scho gscheid guade dabei. I hob oba ned olle angschaut.


Jop, so woa des domois. In da schui is a nix los.des deppade persuasive paper in englisch, 2. weltkrieg in geschichte, mei diarama schuhkarton in photography is fertig. Hier ein farblich aufgemotztes Exempel: allerdings is des scho a bissi obglaufebn, weil die flauschige insel rechts hobi gegn karton austauscht.und aufs würfelhaus hobi klane spiegerln ois fenster draufbickt. schaut besser aus! und i muss sogn dass i in traunstein schon guad hinbickt hob. a wenns ziemlich viel [wolle]steinschlag gibt.

Ist es nicht schön? Ist es nicht unglaublich schön?

in digital design homma multiplicy gmocht des haßt i i bin in am foto 10 moi drin, i hob gmocht dass i in 5facher ausgabe drauf woat dass i endlich beim getränkeautomaten fertig werd. und wieli zwischendurch nix zum doa hob, mochi nu mehr soiche flauschkugeln wie der baum oben im foto. wos is mit die mcohn soit, wasi ned. christbaumschmuck oda so hoid.

Gestern hod die Gabi Fotos vom Kilian gepostet und i bin natürlich wieder  10 minuten vorm laptop gsessen und hob entzückte quietschgeräusche gmocht. Jez is da Kilian mei Hintergrund überall. Eiso i find jo er schaut aus wie die gabi, oba er schaut aus wie da gerald. bebibebibebibebibebibebibebi <3

Joo, jez is eh scho donnerstag nacht. I moch jez pizza rolls und jo. bin fertig. i glaub zwar dass i einige mehr oder wenige und lustige sochn vergessen hob weil i ma nix aufgschriebn hob, oba wos soima mochn, nicht wohr. i schaumoi wosi zamkratzen kann:

• Family Guy is vooi lustig und doof
• Saturday Night Fever fost nu mehr
• i hob festgstellt dass in meina schule a  model is. oba voi richtiges model undso, die schuat aus wie die miranda kerr a bissi. (des is die freundin vom orlando bloom, der andere typ von Fluch der Karibik)
• ana aus meina Englisch klass woa 2 wochn im gfängnis weils mit hanf in schui erwischt hom *lol*
• momentan is schweinsfetzenkalt draussen, oba es soll angeblich wärmer werden
• Gestan hobi die One Acts Show vom Drama Club angschaut: des woan hauptsächlich selbstgeschriebene Stücke und der erste Akt von Sweeney Todd. Sogar umbracht hams do wen.
• Nein zu Temelin!

Jo fein, mehr geht ned für now. buba :D

AJO UND JEDER DER LEST MUSS AUCH BEWERTEN, GELL!

Banana Bapple

Boa i bin scho so faul. heit is scho wieda sonntag.

Na oisdann, letze wochn hobi scho gschriem dass ma aussghaut wordn san. jo do samma eben in so a hotel gfoan "Embassy Suites". Des woa scho recht klass. Es hod mi a bissi an an magic life club erinnert. in da mitten woa praktisch da "Hof" do woan ganz vü pflanzen, a papagei und büddet mit tische und so, ajo und a klane brucken mit am klan becken wo scho hunderttausend münzen drin woan. Genau und rundherum woan acht stockwerke mit zimmer und do hod ma obi schaun kina. wir woan im 7. stock und unsa zimmer woa di nummer 723. Do woa im vorderen teil a ausziehcouch, a fernseher, a waschbecken und a klana kühlschrank und a mikrowelle. dann woa rechts es bad und im hinteren teil 2 betten und a fernseher. und ma hod an ganz feschen ausblick auf di zuabetonierte, und verbaute landschaft ghobt. ein traum. :)

Später samma ins Kino gfoan und hom uns"The Green Hornet" angschaut. der woa recht lustig oba ned herausragend. dann samma wieda zruck gfoan hom a weng gfernset und dann gschlofn.
Ajo und im kino woa so a automat, den ma kennt von Toy Story. do woan di klanen grünen Viecher drin, die "DIE KRALLE" angebetet hom. "Die Kralle ist unser Meister, die Kralle bestimmt wer geht und wer bleibt!" Genau und so a drum woa do eben a und do woan stoffdings drin von "Ich, einfach unverbesserlich". Und da Sean is recht guad bei dem und hod ma an Minion gekrallt. Jez hobi an Minion.


Am Samstag homma bei dem Büffet unten gfrühstückt, und dann samma ins Kindermuseum gfoan, do woama ned die einzigen mit der Idee. Des is eben es größte Kindermuseum der Welt. und do san aussen überoi riesige Dinos und des schaut so aus ois würden di olle inebrechen. I hob leida mei kamera im hotel vergessen, deswegen hobi kane eigenen Fotos.

KINDERMUSEUM INDIANAPOLIS

Genau do homma uns die Science abteilung angschaut do hods so rutschen gebn, und a Healthy House und an riesen wasserpumpen dings was oft auf spielplätze is im sandkasten, wo dann a riesen sand gatsch sauerei entsteht. do woama a zeitl mit die anderen kinder, die olle umngefähr hoib so oid woan wie wir. ;D

Dann woama im a bissi unspektakuläreren 3. stock unten. do woa einglich nix besonders, weil manche austellungen 2 stockwerke hoch san, des wegen woa do ka platz für nix.

Im 2. stock woa dann........ DIE BARBIE AUSTELLUNG!!! 

lebensgroße barbies uiuiuiuiuiuiuiui

Do woan da Sean und da Kevin eher ned so begeistert, die hom beim Eisbär gwoatet. dann samma in die Dino-Austellung gangen. Do woan ganz vü dinos unso. des hod mi wieda ned so interessiert, somit woa gerechtigkeit geübt und wir san wieda ham gfoan. do homma ghostbusters angschaut, oba  nur zum teil.

weil dann samma zu Dave & Busters gfoan.

Dort woa wos los he. Wir hom uns für an tisch angmödt damit ma a wos essn kinan. der woa nach 2 stundn dann frei. und wir hom soiche koatn griagt wo ma praktisch elektronische chips gspeichert hod, und bei di spiele muas ma dann die karte duachziagn. am anfang hobi ned gwusst wosi mochn soit. do bini nu a weng ziellos herumgurkt. dann hobi moi probiert bei so am krallen automat, so schaut sowos aus übrigens:

Nur der bei D&B woa ungefähr 4 moi größer. und do woan bälle dirn und bären mit fangwand von irgendam football team und große bunte drachen die ausschaun wie kühe deswegen hobi a gsogt "I want the purple cow!" Da sean muas imma olle ausbessern, deswegen hobi dann imma zfleiß gsogt cow. hähä

Ajo Krallenautomat, jez wo ma geklärt hom wie der ausschaut, gehts weita. Do woan a kleinere mit schuck und i hob probiert das i so a uhr aussgriag. Des problem mit die automaten is dass die chance dass ma wos erwischt, je nach automat bei ca 1-25% liegt. die san so deppad. zumbeispü woa beim großen automat so a ente, und 4 leit homs scho ghobt oba wenn die kralle auffifoat und dann ansteht ruckelts ima so stoak dass jedem di ente wieda obigfoin is. Klumpert des!

Jo i bin dann amoi Need for Speed gfoan, bin blöd in gegend herum grennt und hob dann Seanund Kevin bei so am Quiz ding gfunden, da Kevin hod voi obgramt, der was einfoch ois, die hom scho an becher voller tickets ghobt die ma bei di meisten automaten griagt und die ma dann im shop gegen lustige preise eintauschen kann. :) I bin dann zu so am sing gangen des is so a großes rad, und do san so felder drauf do steht 60 tickets, 100, 150, 40, UND es gibt 2 Felder wo ma 500 und eins wo ma 1000 gwinnen kann. I hob do amoi a originaltreue nachbildung vom 500er Feld gmocht:

Wie man sieht is die Wahrscheindlichkeit das ma 500 gwinnt, gering. Oba i bin einfoch so guad dass i beim ersten versuch glei 500 gwunna hod, des hod dann a bissi dauert bis olle 500 tickets ausdruckt hod, des woa scho a gscheida haufn. :D

Dann hods ma eh scho daugt oba i woit es glück ned herausfordern, deswegen hobi wos ondas gmocht, basketball körbe gworfen, do woa i goa ned so schlecht. bei so am automat wo ma 3 moi es selbe symbol hbn muas und im richtigen moment stoppen. do woa i realtiv schlecht, wos i dann nu ois gmocht hob wasi nimma so genau, irgendwann nach ana ewigkeit woa endlich unsa tisch frei do hobi so an solot gessen, und nebn uns am tisch woa anscheindend a party mit friseurinnen weil di olle total oage frisuren ghobt hom. 

Dann hamma weita gmocht. I hob mim Sean House of the Dead gspüt und voi Zombies abgeschlachtet. Dann homma wied amoi bei der Kralle vorbeigschaut. Mei lilane Kuh woa imma nu do, oba wir homs ned aussagriagt. :( 

Dann samma moi in den Shop gangen und ham uns angschaut wos do so gibt. i hob an riesenkugelschreiber gseng den woit i unbedingt hom, oba i hob nu gwoat weil sonst hätt i den dauernd herumtrogn miassn. 

I hob nu moi bei dem Drehraddings probiert und: siehe da wieder 500 gwuna. dan hobi gwusst, a wenn aller guten dinge drei san, i soit ned numoi spün. danach, hamma endlich wieda tickets einglöst und i hob ma an flauschihund und den kugelschreiber eingelöst. Da sean woit an ferngsteuerten zwutschkihubschrauber do hom di tickets oba nimma greicht. Deswegen samma numoi losgstartet i hob numoi bein großen rad gspüt oba wie erwartet nimma 500 gwuna, dann bei so am kleinen automat wo ma im richtigen moment draufhaun muas hobi  3 moi hintereinander 125 tickets gwuna.  da kevin hod wieda beim quiz obgramt und dann hamma im sean sein hubschrauber kauft und olle woan glücklich. Des is eiso mei Ausbeute.

Dann woas eh scho hoib 12 und wir san zruckgfoan hom uns nu iwos im fernsehn angschaut und dann hobi gschlofn. 

Am Sonntag samma in Tierpark gfoan von Indianapolis. Der woa zu 2/3 zua. Des haßt wir ham nur die Fische  und Meeresviecher gseng und es Wüstenhaus. Ajo und Bären. und Robben. 

Diesmoi hob i sogoa mei kamera mitghobt:

des san die robben

der fast ausgestorbene  Homo sapiens blubber

der grausige aal von supermario 64

fischi

haifischi

die elena traut si sogoa angreifen. des is sogoa erlaubt, ma derf nur ned grapschen und nix einischmeissn

killerseepfertal

Kingpingoine

Da Chillbär, nicht zu verwechseln mim Eisbär!

Delefine

Ninjaturtels

A Eidechs

Das seitliche Flausch-Erdmännchen

A furchtbar grausige Schlange die a glei es Maul aufgrissen hod, nur wo i mit da Kamera zspät dran.

Da Rutschbär rutscht liebend gern am Eis herum. oba da Name Eisbär woa jo scho vergeben.

Des woa recht schön dort. Die Sonne hod gscheint, ois woa zugsperrt. Deswegen hobi a di Drachen ned gseng. Komodo dragon. 

Zum Schluss woama nu im Giftshop. Do homma nu a weng herumgschaut und dann samma hamgfoan. 

Daham hod da Sean sein Hubschrauber ausprobiert und is glei amoi amok gflogn, ind i katzen and wand ind couch. Im endeffekt hodan dann eh daham vagessn. :) 

Jo des woa es Wochenende. Des woa jo shco recht spektakulär. Und deswegen schreib i jez nu wos am montag in da Schui woa und dann her i auf und schreib in rest morgen oda so.

Eiso Montag. Do woa ned vü los, In geschichte homma uns a folge von Band of Brothers angschaut, des is a serie über die amis im 2. Weltkrieg. unsa folge woa wies grod in russland woan und a stadt angriffn hom. Do hamma dann so klane fragen beantworten miassn. ois hausübung bis dienstag.

Wos nu? in electronic music hobi die ganze stund nur gspüt, weil eh nix zum doa woa. sonst woa da tog ziemlich unspektakulär, ABER es hod ghaßn dass am dienstag a schneesturm kumt und dass ma womöglich an schneetog hom. Eiso abwarten und hoffen..

Wird es einen Schneesturm geben? Werden wir alle sterben und eingeschneit erden? Schalten sie nächste woche wieder ein und sehen Sie die spannende Auflösung in 

Global Warming vs. Zionsville